校園前線：非主流の達人 — 中學部IG事工分享 (492期)
李靜蕙 中學部助理幹事
[email protected]
受我們的生活、文化、喜好、愛聽的歌曲、喜歡的品牌等都受到「主流」影響。人人都愛跟「主流」，因為主流夠穩陣、一定不會出錯、不會標奇立異。這也影響我們的教會生活、校園團契生活。團契時常缺人帶敬拜、帶小組，主流總是要招募熱愛音樂的人進入敬拜隊、「talk得又好yo得」的人擔任組長。
然而，在疫情人人呆在家中的兩三年間，那些既沒興趣帶組、也沒興趣進入敬拜隊的同學，可以如何繼續實踐他們的校園服侍生活？又或⋯⋯不甘心跟隨主流框架的他們，會選擇用甚麼方式，向同學講信仰呢？
好奇的我們走進校園，以ISCF IG全新系列「《非主流の達人》∼！ 之校園訪問篇」，一起聽聽這班低調但有型、新穎又心裡熱情的「Pioneer」如何開發新的秩序：
IG問題牆吸引未信同學留言 信仰疑問排住嚟
//外表斯文、講野好溫柔、負責Promotion既Janice回想起佢哋之前，曾經用過真光既ig@搞左「問題牆」，俾同學仔可以匿名留言問問題，由團職回覆佢哋對信仰既疑難。
幾位團職都覺得呢個係一個好好既機會，俾佢哋自己都一齊喺信仰上面學習，（可能有別於平時上聖經堂，大家都唔會舉手問問題lol）。團職會認真咁樣搵老師、睇聖經搵答案。有一次有個同學匿名問到自己屋企人好反對佢返教會，可以點算？幾位團職都冇諗過，佢哋回答完之後，同學仔竟然用返自己personal account留名多謝佢哋！大家都被呢個同學激勵到！//
真光中學團職
觀察同學感受狀態 自製手工品彩石Postcard
//今年協恩既福音週主題係<Shalom>（意指平安）。其中一個午間活動係整手工—彩石活動，團職話源起係：「呢種come and go嘅攤位係啟發自學校社工平時會搞既開放工作室，唔洗報名，又喺地下正中間，大家都會好易埋到嚟整，又可以觀察到啲同學仔平時都鍾意整手工。」整彩石就變相俾更多同學可以認識福音。//
協恩中學團職
心願以藝術事奉上帝 基督徒美術組
//部份同學未必好大興趣喺音樂、敬拜方面。大家就嘗試搵下新嘅形式服侍，巧合地，同學主動提出用畫作去向同學講福音！
⋯⋯老師發現到佢哋其實都好有畫畫嘅恩賜，鼓勵同學以畫筆事奉！就好似佢哋今年福音週、年度主題：「從我身上發現祢」，老師好想比同學發現自己身上面就有上帝而來嘅恩賜，其他人從佢哋支筆都可以見到神嘅奇妙⋯⋯透過同學畫畫嘅恩賜，其實就能發現上帝。老師成立咗基督徒美術組，聚集呢班同學。//
堅樂中學團職
更多分享詳見中學部IG @iscf.fes
本期文章
- 492期 – 專題文章：言說心靈動態 —— 中學部新學年事工介紹
- 校園前線：非主流の達人 — 中學部IG事工分享 (492期)
- 特稿：實踐．同行 —— HKNCF分享 (492期)
- Abba’s World：復常後的福音事工 —— 反思歐洲與香港的福音事工模式 (492期)
- 閱讀生活：成為有自我要求的閱讀群體 (492期)
- 家人家事、同工消息 (492期)
- 感恩代求 (492期)
- 活動資料 (492期)
- 財政收支報告 (492期)