校園前線：餐桌上的MBTI？——中學部ISO 2024 （500期）

2024 年 11 月 21 日2024 年 11 月 21 日 fes_admin news_500

黎家雯（中學部署理主任）
[email protected]

聯校事奉人員訓練日（ISO）當日有人熱切期待，也有人社恐發作，有人立即行動體驗，亦有人眼睛觀察……腦內小劇場不斷上演……

「依個活動好特別，有200幾個人一齊參加，仲要係嚟自唔同學校嘅團職！」

「Um……做咩今日會咁多人？……點解我會喺度？……（懷疑人生）」

「正！我想識多啲其他學校嘅人，知多啲嘢。（興奮）」

「根據自己嘅性格特質去攞咗啲手繩，但手繩有啲人攞唔到，係數量唔夠？（分析）」

「要我去同其他學校嘅人一組？！（……）」

「主持叫我哋每人攞一條最能夠代表到自己想奉獻畀神嘅手繩，我揀咗經常禱告！（行動）」

主題「餐桌上的MBTI？」

今年聯校事奉人員訓練日（ISO）以城中熱話MBTI再引起同學的熱情，當日共有近250位來自29間中學的同學和老師參與其中。他們都在尋覓，在眾多英文字母中，他們究竟是其中稀有的一位，還是其中的一位？他／她在基督徒群體中，是獨立個體，還是共生群體？就在「餐桌上」讓他們一同看見——「走在一起的多元合一，建立基督的身體」。

聖餐桌上的想像

大會以聖餐（可十四22-23）中，拿起（Took [offer myself]）、⁠祝福（Blessed）、擘開（Broke）及遞給他們（Gave [share]）的4個元素，以MBTI為切入點，再配合多樣式的手帶（把個人的特質形象化），帶出我們是同在聖餐桌上的基督徒群體。各人不單只停留在自己蒙福及被模造的階段，更可在基督裡為別人擺上一同共建。

因此大會不單以手帶呈現各人因天賦或處境模造他們所擁有的特質，最後更邀請同學拿出一條手帶，表明這年度自己願意呈獻更多的恩賜，與其他參加者的手帶連結成為12人一圈的圓桌，大家一同立志，為主擺上。

成為IWF-C基督徒

盼望我們在基督群體裡，每人擺上自己那份，不論大家性格特質有多普通或稀有、群體可能是單一或多元，都可在主內連結一起，學習一同為主擺上，與主在聖餐桌上一同坐席，In Christ / With Christ / For Christ :成為IWF-C基督徒。

工作坊的嘗試

今年ISO有9個學生工作坊及1個導師工作坊，包括一向受同學歡迎的團契類（遊戲、敬拜、查經工作坊）和文化類（情感接待、社區漫游、藝術特工隊）。今年亦作出新嘗試，加入：多媒體亂想和基督式躺平，希望同學可以特質+1再+1，在不同層面也能踐行信仰。

以下是聯校團長組參加者的分享：

「雖然今次係自己一個嚟ISO，但可以同其他學校嘅團職交流都好開心。

最深刻係參與團長組嘅活動，當中的遊戲環節，大家要分組鬥快穿過呼拉圈，第一個回合鬥快、第二個回合純粹娛樂﹕

第一個回合—我哋用咗其中一位組員提出嘅方法，冇咩討論，但效果非常好

第二回合—我哋用咗一個傳統嘅方法，慢慢咁玩……（卻有新體會）……雖然係最慢嗰組，但係大家會笑笑吓咁玩，又會互相幫忙穿過呼拉圈。

其實呢兩個情況同我團契往年情況差唔多。之前團契由一個領導能力較強嘅同學做決定，開會唔洗花時間討論。雖然出嚟嘅成果好好，但風格都係差唔多；依家團契每人講啲意見，唔同人嘅思考模式都有啲唔一樣，idea有好唔同嘅特色，大家都可以結合，成為創新嘅活動內容。呢個小遊戲提醒我哋，只要合作先能夠令成個團隊更上一層樓。

在小組時，我同大家講咗自己嘅憂慮，就係驚自己冇以前嘅團長咁有才華，驚好多嘢都跟唔上。其中一個團長話：「如果真係搞唔掂嘅話，大大方方承認自己仲係嘗試緊，唔需要畀太大壓力自己。」呢句真係令我安心好多，亦都夠膽同其他團職講自己嘅難處，大家一齊解決！

今次我除咗喺帶領團契有得著，亦令我感覺自己更加勇敢，有機會多同陌生人傾計，鍛鍊自己做團長嘅膽量！期望FES再次舉行類似活動，俾團職有所得著！！！」
Yannis（英華女學校）